| ► | فبراير 2012 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | ||
خريفي قام يشكي للربيع ويرمي الأوراق
وربيعي قام يشكي للخريف وجفت أزهاره
ياعين الخد يشكي من حرارة دمعك الحرّاق
مادام الخد صحرا لاتصير دموعك انهاره
غيابك برد ماتدفي عظامي جلسة المشراق
وزاد البرد يوم القلب حن وشب لي ناره
خدعني شوف ضحكتهم واثر بيض السنون املاق
حبارى والأماني صيد والحسّاد صقّارة
وذبحني شوف نظرتهم وخبري بالنظر سرّاق
وصدق من قال لاتفرح ترى الأيام دوارة
| أخذ الولاء بمصافح اليد لليد |
| حاكم وعادل ماتخونك رعيّة |
| وطن لشرع الله وسنة محمد |
| ماهو وطن للحزب والمرجعيّة |
| ولاهوب حزب الوفد واليوم والغد |
| الحكم لآل سعود والمقدريّة |
| معزي موحدها من الحد للحد |
| بيمناه وجموع الرجال الوفيّة |
| حنّا ولانا جد عن جد عن جد |
| ونجدد البيعة بصبح وعشيّة |
| البحر مايخشى من الجزر والمد |
| دونه جنودٍ ماتهاب المنيّة |
|
فمان الله ياحرفٍ على كل الحروف يسيد
فمان الله يارمز السكون وعثرة الكسره
|
|
فمان الله يانور الظلام وزفـرة التنهيـد
فمان الله يانهر الغرام ونشـوة السكـره
|
|
فمان الله ياعطر الحروف وثورة التجديد
فمان الله مابين الدموع وخنقـة العبـره
|
|
فمان الله لو حبك على مر الزمان يزيـد
فمان الله وش خليت غير الدمع والحسره
|
|
فمان الله لو سببت في وجه الزمن تجعيد
فمان الله لو غاب القمر وأمسيت فالغدره
|
|
فمان الله ياعشق الأسير ومعصمه فالقيد
|
كفايه حزن ياعيـون المعابـر
يكفي قدسنـا ودمـوع غـزه
شبعتي موت يابطون المقابـر
تموت اطفالنا في كـل حـزه
مافاد صراخنا فـوق المنابـر
رضينا الذل من عقب المعـزه
لبسنا العـار والعالـم تكابـر
وصار اللي نهك عرضك منَزه
الا ياليلُ مابال السرايا
حزينه والملوكِ بلا مطايا
الا يالليلُ اخبرهم بأني
اسوقُ الروحَ من جزلِ العطايا
اذا بالهونِ لم يأتو الينا
أتو بالحربِ من ضمن السبايا
ولستُ جاهلاً بالحبِ قبلاً
شربتُ الكأسَ من حوضِ المنايا
ثلاثي بُعد لا لديت عيني
اشوف الزين من كل الزوايا
فريد الحسن مانلقى مثيله
ياكود انه يطالع في المرايا
وردت العد وحبالي طويله
وعند العد بانت لي خفايا
اخر امسيه واللي دعاها قلب شاعرها
عريف الامسيه قلبي وام لثام جمهوري
تصفق كل ماتوحي غرامٍ صار حاضرها
وتبكي كل ماتوحي فراقٍ صار مجبوري
مهره كل ماضاقت يهز الارض حافرها
وانا مثل الحرار اللي حدى الجنحان مكسوري
الا ياليت خلق الله تحكٌم في مشاعرها
كان القلب لامن حب مالديت فشعوري
توادعنا وانا كني بليا ذنب ناحرها
تلفت مع خطاويها ودمع العين منثوري
حزينه قرية العشاق من فرقى مغادرها
انت رمز(ن)للشموخ اللي وصل حد السحاب..
وانت لي مثل الذرا لاهبت هبوب الشمال..
فيك من عز الشيوخ وفيك من عزم الشباب..
وانت من روس الرجال اللي سلايلهارجال..
جيت ابشكي لك حضور(ن)يشبه ايام الغياب..
جيت ابشكي لك فراق(ن)خالطه بعض الوصال..
مره اشوفه بعيني ومره اشوفه سراب..
مدري شفته فالحقيقه ولا شوفي له خيال..
ما نتظر منك ملامه مانتظر منك عتاب..
جيت ابي منك جواب(ن)يفضح اسرار السؤال..
يوم لمح بالرحيل اصبحت فاقد للصواب..
والجسد من غير روحه انكثوا فوقه رمال..
كل ما صكيت باب انفتح مليون باب..
وشلت حمل(ن) فوق متني يتعب ظهور الجمال.
مارحمته بالسؤال ولارحمني بالجواب..
ويوم جيت اسال سؤالي انقطع كل اتصال..
من رقى رجم المحبه يعرف الحب العذاب..
وصرت فوق الرجم صاحي
